«Հայաստանի էլեկտրական ցանցեր» ընկերությունը թուրքական ընկերություններին հանձնելու օրակարգ չկա թեկուզ տեսական մակարդակում: Այս մասին ամփոփիչ ասուլիսի ժամանակ հայտարարել էՀԾԿՀ նախագահ Մեսրոպ Մեսրոպյանը՝ պատասխանելով հարցին, թե ՀԷՑ-ի կառավարումն առնվազն տեսականորեն հնարավո՞ր է՝ հանձնվի թուրքական ընկերության:
ՀԾԿՀ նախագահը նկատեց՝ նման թեզեր հնչում են ընդդիմախոսների կողմից, սակայն դրանք որևէ օբյեկտիվ հիմք չունեն:
«Ընդհուպ հայտարարվեց, որ անցած տարի հանձնաժողովի 3 բարձրաստիճան աշխատակիցներ իբր թե մեկնել են Թուրքիա, որպեսզի հետ գան, բանակցեն և ՀԷՑ-ը վաճառեն թուրքական ընկերություններին, ինչը ծիծաղելի կլիներ, եթե միտքն այդքան տխուր չլիներ: Նման բան չկա օրակարգում:
Հետևաբար, այս պահին հողի վրա, ռեալ իրականության մեջ թուրքական որևէ ընկերության ՀԷՑ վաճառելու որևէ նշան չեմ տեսնում»,– ասել է նա:
Ավելի վաղ հայտնել էինք, որ ՀԾԿՀ նախագահ Մեսրոպ Մեսրոպյանը ասել էր. «Անթույալտրելի է, որ ՀԷՑ-ում կառավարման առումով ամենաթողություն տիրի»: