Թուրքիայի վերջին նախագահական ընտրություններից հետո Էրդողանի ամենահավանական ժառանգորդը իրավամբ համարվում էր Թուրքիայի նախկին Ազգային հետախուզական ծառայության (MiT) տնօրեն, ներկայում ԱԳ նախարար Հաքան Ֆիդանը: Սակայն ամենահետաքրքիրն այն է, որ թեպետ Ֆիդանը Թուրքիայի արմատական շահերի սպասարկման դիրքերից է հանդես գալիս, սակայն ըստ տեղեկությունների` նրա ընտանիքը սերում է քրդական «Սեյդան» (Seydan) ցեղից, որը բնակվում է Թուրքիայի հարավ-արևելյան շրջաններում (Վանի նահանգ)։
Արդեն տևական ժամանակ է սակայն, Ֆիդանը հայտնվել է ժառանգորդիների ստվերում, փոխարենն այժմ արդեն խոսակցությունները շատ են այն մասին, որ Էրդողանը որպես իր ժառանգորդ է ընտրել որդուն` Բիլալ Էրդողանին:
Ի դեպ, մինչ այս ակտիվ էին խոսակցությունները նաև Էրդողանի փեսայի` Սելջուկ Բայրաքթարի, շուրջ:
Սակայն արի ու տես, որ գնալով ամենահավանականը դառնում է Բիլալ Էրդողանի թեկնածությունը. արյունակցական կապերը հաղթում են: Ահա և Օսմանյան կայսրության ժառանգական ավանդույթների վերականգնման էրդողանյան երազանքի ճանապարհը…
Արա Պողոսյան, քաղաքագետ