Ռուսաստան-ԱՄՆ-Ուկրաինա բանակցությունների մասնակիցները համաձայնել են աշխատել «առանց արտահոսքի»։ Այս մասին TASS-ին տված հարցազրույցում հայտարարել է Ռուսաստանի փոխարտգործնախարար Միխայիլ Գալուզինը։
«Ամերիկյան կողմի ճնշման տակ և մարտադաշտում պարտություններից հետո Կիևը կրկին նստեց բանակցությունների սեղանի շուրջ՝ այս անգամ Աբու Դաբիում։ Անվտանգության հարցերով եռակողմ Ռուսաստան-ԱՄՆ-Ուկրաինա աշխատանքային խմբի հանդիպումները տեղի են ունեցել այնտեղ հունվարի 23-24-ին և փետրվարի 4-5-ին։ Մասնակիցները համաձայնել են աշխատել լռության մեջ, առանց արտահոսքի։ Հետևաբար, ես ձեռնպահ կմնամ մեկնաբանելուց այս վայրում տեղի ունեցող քննարկումների ընթացքի և բովանդակության վերաբերյալ», – նշել է նա։