Ռուսաստանն աջակցում է Իրանի ջանքերին՝ պաշտպանելու իր ինքնիշխանությունը, օրինական շահերը և ապահովելու երկրի անվտանգությունը ստեղծված իրավիճակում։ Ռուսաստանի նախագահ Վլադիմիր Պուտինն այս մասին գրել է Իրանի նախագահ Մասուդ Փեզեշքիանին ուղղված շնորհավորական ուղերձում՝ Իսլամական հեղափոխության հաղթանակի 47-ամյակի կապակցությամբ։
«Ռուսաստանն աջակցում է Իրանի ջանքերին՝ պաշտպանելու իր ինքնիշխանությունը, օրինական շահերը և ապահովելու երկրի անվտանգությունը ստեղծված բարդ միջազգային իրավիճակում», – Իրանի նախագահի մամուլի ծառայությունը մեջբերում է ուղերձից մի հատված։
Նշվում է, որ Վլադիմիր Պուտինը նաև վստահություն է հայտնել Մոսկվայի և Թեհրանի միջև ռազմավարական գործընկերության շարունակական ամրապնդման հարցում և Իրանի նախագահին մաղթել է առողջություն և հաջողություն, իսկ բոլոր իրանցիներին՝ երջանկություն և բարգավաճում։