ԱՄՆ զինված ուժերը հայտնել են Սիրիայում ԻՊ-ի թիրախներին հասցրած 30 հարվածի մասին

Փետրվարի 3-ից 12-ը ԱՄՆ զինված ուժերը Սիրիայում հարձակվել են «Իսլամական պետության» (ISIS) հետ կապված ավելի քան 30 թիրախների վրա, հայտնել է ԱՄՆ կենտրոնական հրամանատարությունը (CENTCOM), հայտնում է «Ինտերֆաքսը»։

CENTCOM-ը նշել է, որ ԱՄՆ ինքնաթիռները, այդ թվում՝ անօդաչու թռչող սարքերը, հարվածել են խմբավորմանը պատկանող զենքի պահեստներին և ենթակառուցվածքներին։

«Փետրվարի 3-ից 12-ը CENTCOM ուժերը 10 հարված են հասցրել Սիրիայում ԻՊ-ի ավելի քան 30 թիրախների վրա՝ շարունակելու համար ռազմական ճնշում գործադրել խմբավորման ահաբեկչական ցանցի մնացորդների վրա», – ասվում է X-ում տարածված հայտարարության մեջ։

Հունվարի 27-ից փետրվարի 2-ը ԱՄՆ-ն նաև ևս հինգ հարված է հասցրել ԻՊ-ի դեմ։

CENTCOM-ը հիշեցրել է, որ Միացյալ Նահանգները սկսել է Hawkeye Strike գործողությունը, երբ ԻՊ-ի ահաբեկիչները 2025 թվականի դեկտեմբերի 13-ին Պալմիրայում հարձակվել են ամերիկյան և սիրիական ուժերի վրա, որի հետևանքով զոհվել են երկու ամերիկացի զինծառայող և մեկ ամերիկացի թարգմանիչ։ Երկու ամսվա ընթացքում Միացյալ Նահանգները հարված է հասցրել ԻՊ-ի 100 թիրախների վրա՝ սպանելով կամ գերի վերցնելով խմբավորման ավելի քան 50 անդամի։

Leave a Comment