14 փետրվարի 2026 – 12:45 AMT
PanARMENIAN.Net – Հիդրոօդերևութաբանության և մոնիթորինգի կենտրոնը հրապարակել է փետրվարի 3-9-ը (2026թ․) Երևանում մթնոլորտային օդի որակի մշտադիտարկման արդյունքները։
Փոշու մակարդակը սահմանային թույլատրելի կոնցենտրացիայից բարձր է եղել Կենտրոն վարչական շրջանում ամբողջ շաբաթվա ընթացքում։ Արաբկիրում գերազանցում է արձանագրվել փետրվարի 4-ին և 6-7-ը, Նոր Նորքում՝ փետրվարի 6-ին:
Շենգավիթում նման շեղում չի գրանցվել։
Ազոտի երկօքսիդի պարունակությունը սահմանային թույլատրելի կոնցենտրացիայից բարձր է եղել Արաբկիրում՝ փետրվարի 6-ին։ Նոր Նորքում, Շենգավիթում և Կենտրոնում տվյալ ժամանակահատվածում գերազանցում չի արձանագրվել։
Ծծմբի երկօքսիդի ցուցանիշը դիտարկվող օրերին չի անցել սահմանային թույլատրելի կոնցենտրացիան։