Հայաստանի բարձրագույն ղեկավարությունը տեղյակ է Ռուսաստանի՝ միջուկային էներգիայի առաջարկների մասին։ Ռուսաստանը հույս ունի, որ Հայաստանը սթափ հաշվարկներ կանի, «ՌԻԱ Նովոստիին» ասել է Ռուսաստանի Անվտանգության խորհրդի քարտուղար Սերգեյ Շոյգուն։
Երկուշաբթի օրը, Հայաստան կատարած այցից հետո, ԱՄՆ փոխնախագահ Ջեյ Դի Վենսը հայտարարեց, որ Միացյալ Նահանգները Հայաստանին կմատակարարի փոքր մոդուլային ռեակտորներ՝ միջուկային էներգիայի մասին համաձայնագրի շրջանակներում։
«Հայաստանի ղեկավարությունը, այդ թվում՝ բարձրաստիճան պաշտոնյաները, տեղյակ են ատոմային էներգիայի զարգացման մեր առաջարկների մասին։ Առանց մանրամասներ բացահայտելու, կասեմ, որ այնտեղ պայմանները չափազանց բարենպաստ են, իսկ տեխնոլոգիաները՝ առաջադեմ, որոնց հուսալիությունը ապացուցված է երկար տարիների գործունեությամբ։ Անգամ չեմ խոսում այն մասին, որ «Ռոսատոմը» արտասահմանում ատոմակայանների կառուցման նախագծերի թվով առաջին տեղում է՝ համաշխարհային շուկայի 90%-ը, և ունի եզակի փորձ փոքր մոդուլային ռեակտորների նախագծման, կառուցման և շահագործման ոլորտում։ Հուսով եմ, որ երբ մեր գործընկերները համապատասխան որոշումներ կայացնեն», – ասել է Շոյգուն։