ՀՀ-ում Նիդերլանդների դեսպանատունը հայտնում է. «Նիդերլանդները ունի երկու մեդալ և օլիմպիական ռեկորդ՝ 2026 ձմեռային Օլիմպիական խաղերում։
Կանանց 1000 մետր արագասահքի եզրափակչում Նիդերլանդների հավաքականը բարձրացավ պատվո հարթակի ամենաբարձր աստիճանին։ Չմշկասահորդ Յուտտա Լեերդամը Նիդերլանդներին բերեց առաջին ոսկին՝ սահմանելով օլիմպիական ռեկորդ։
Յուտտա Լեերդամը ցույց տվեց 1:12.31 արդյունք՝ գերազանցելով Պեկին 2022-ի ընթացքում ճապոնուհի մարզիկ Տակագի Միհոյի նախկին ռեկորդը (1:13.19)։
Յուտտայի հայրենակից Ֆեմկե Կոկը եզրափակչում զիջեց ընդամենը 0.28 վայրկյանով և նվաճեց արծաթե մեդալ՝ նույնպես գերազանցելով նախկին օլիմպիական ռեկորդը։
Շնորհավորում ենք Նիդերլանդների հավաքականին՝ փայլուն երկակի հաղթանակի և Յուտտա Լեերդամին՝ նոր օլիմպիական ռեկորդ սահմանելու առիթով»։