Բարսելոնայի միջազգային օդանավակայանում ուժեղ քամու պոռթկումների պատճառով չեղարկվել է առնվազն 101 չվերթ։ Այս մասին նշվում է Aena օպերատորի տվյալներում:
Օպերատորի տվյալներով՝ ևս 10 չվերթ վերահասցեագրվել է այլ օդանավակայաններ։ Ինչպես նշվում է Aena-ի X-ում հրապարակված հոդվածում, օդերևութաբանները «ցույց են տալիս եղանակային պայմանների աստիճանական բարելավում»։
Միևնույն ժամանակ, Կատալոնիայի ինքնավար համայնքի քաղաքացիական պաշտպանության գլխավոր վարչությունը հայտնել է, որ եղանակային անբարենպաստ պայմանների պատճառով գրանցվել են հարյուրավոր միջադեպեր։ «86 մարդ բժշկական օգնության կարիք է ունեցել, որոնցից 34-ը տեղափոխվել են բժշկական կենտրոններ», – հավելել է գործակալությունը։
Իսպանիայի ազգային օդերևութաբանական գործակալությունը փետրվարի 12-ին Կատալոնիայի համար եղանակային նախազգուշացում է հրապարակել։ Մի քանի համայնքներում տագնապի մակարդակը բարձրացվել է մինչև նարնջագույն (բարձր վտանգ)։ Քամու պոռթկումները կարող են հասնել 100 կմ/ժ-ի։ Անբարենպաստ եղանակի պատճառով տարածաշրջանային կառավարությունը որոշել է չեղարկել դպրոցներում և համալսարաններում դասընթացները և կասեցնել ոչ շտապ բժշկական օգնությունը։