Կոստա Ռիկայի Ազգային մարզադաշտում տեղի է ունեցել հանդիպում Մադրիդի «Ռեալի» և «Բարսելոնայի» լեգենդների միջև։ «Էլ Կլասիկոյի» վետերանների պայքարում հաղթանակ են տոնել «Ռեալի» ներկայացուցիչները՝ 2:0 հաշվով:
Խաղի հաշիվը 24-րդ րոպեին բացել է կիսապաշտպան Անտոնիո Նունյեսը։ Երեք րոպե անց՝ 27-րդ րոպեին, Գուտին կրկնապատկել է մադրիդցիների առավելությունը։
Հանդիպմանը մասնակցել են համաշխարհային ֆուտբոլի այնպիսի աստղեր, ինչպիսիք են Ռոնալդինյոն, Իկեր Կասիլյասը, Կարլես Պույոլը, Ռիվալդոն և այլք։
Թիմերը դաշտ են դուրս եկել հետևյալ կազմերով.
«Ռեալի» լեգենդներ (մեկնարկային կազմ). Կասիլյաս, Նունյես, Պեպե, Կոնգո, Բալբոա, Ի. Կամպո, Գուտի, Ռ. Բրավո, Ֆերնանդո Սանս, Դե լա Ռեդ, Մակելելե:
Փոխարինման են դուրս եկել՝ Օլալյա, Ագուս, Կոնտրերաս, Դավիդ Բառալ, Տոնի Մորալ:
«Բարսելոնայի» լեգենդներ (մեկնարկային կազմ). Բայա, Մոնտոյա, Պույոլ, Վալիենտե, Նավառո, Մենդիետա, Կրոսաս, Կոկու, Ժյուլի, Ռիվալդո, Ռոնալդինյո:
Փոխարինման են դուրս եկել՝ Անգոյ, Ֆոնտաս, Օկունովո, Ռոջեր, Տրաշոռաս, Նոլիտո, Սավիոլա:
Թեգեր: