11 փետրվարի 2026 – 18:33 AMT
PanARMENIAN.Net – Վարչապետ Նիկոլ Փաշինյանն ԱԺ-ում հայտարարել է, որ այն պահից, երբ Հայաստանում կգործեն կենսաչափական անձնագրերը, ինչը նախատեսվում է 2027-ի աշնանը, «Զվարթնոց» օդանավակայանում ու մյուս սահմանային կետերում պետք է գործեն «անշփում» անցման ուղիներ:
«Բիոմետրիկ անձնագիր ունեցող, կենսաչափական անձնագիր ունեցող քաղաքացիները պետք է գնան ուղղակի իրեց կենսաչափական տվյալները… Այսինքն՝ առանց կոնտակտի պետք է գնան օդանավ մտնեն կամ դուրս գան, կամ սահմանը հատեն»,- մանրամասնել է նա, հայտնում է «Ազատությունը»:
Վարչապետն ընդգծել է, որ «անշփում անցման» տեխնոլոգիան ներդնելու համար անհրաժեշտ է ԱՄՆ-ի օժանդակությունը։
«Պետք է, որ Միացյալ նահանգները, որը տիրապետում է այդ տեխնոլոգիաներին, այդ տեխնոլոգիաներով կիսվեն մեզ հետ»,-ասել է նաԼ
Ըստ Փաշինյանի՝ այս հարցով քննարկում է տեղի ունեցել Երևան այցելած ԱՄՆ փոխնախագահի հետ։
«Մեր գործընկերներից ստացել եմ հավաստիացում, որ այդ տեխնոլոգիաներով կկիսվեն Հայաստանի հետ»,- ասել է վարչապետը: