Եվրամիությունը որոշել է կասեցնել վրացական դիվանագիտական և ծառայողական անձնագրերի համար առանց վիզայի մուտքը՝ համապատասխանաբար երկրի քաղաքական վերնախավի անդամների և կառավարության պաշտոնյաների համար։ Այս մասին հայտնել է «Ազատությում» ռադիոկայանի Եվրոպական բյուրոյի գլխավոր խմբագիր Ռիկարդ Յոզվյակը։
Այս քայլը չի վերաբերում Վրաստանի շարքային քաղաքացիներին։ ԵՄ 27 անդամ պետություններից միայն Հունգարիան և Սլովակիան են դեմ քվեարկել։ Սակայն նրանք նույնպես այժմ պարտավոր կլինեն կատարել միության կողմից ընդունված որոշումը։
«Ամեն ինչ արված է։ Անդամ պետությունները քվեարկել են վրացական դիվանագիտական անձնագրերի տերերի համար վիզայի պահանջը կասեցնելու օգտին։ Միայն Հունգարիան և Սլովակիան են դեմ քվեարկել։ Այն ուժի մեջ կմտնի մարտի սկզբին», – առցանց գրել է Յոզվյակը։