11 փետրվարի 2026 – 14:38 AMT
PanARMENIAN.Net – Մայր Աթոռ Սուրբ Էջմիածնի դեմ կարգալույծ արված 2 հոգևորականի` Ստեփան Ասատրյանի (նախկինում` տեր Արամ) և Արամայիս Թախմազյանի (նախկինում` տեր Թադե), հայցադիմումները վերադարձվել են։
Ըստ «Դատալեքս» դատական տեղեկատվական համակարգի՝ հայցադիմումները վերադարձվել են ներկայացման ընթացակարգային թերությունների պատճառով, հայտնում է Sputnik Արմենիան:
Դատական որոշումները կայացրել են համապատասխանաբար դատավորներ Սիմա Աբովյանը և Պարգև Մելքոնյանը։ Հայցվորներին տրամադրվել է երեք օրյա ժամկետ՝ թերությունները վերացնելու նպատակով։
Ստեփան Ասատրյանն ու Արամայիս Թախմազյանը պահանջել էին անվավեր ճանաչել Ամենայն Հայոց կաթողիկոս Գարեգին Երկրորդի կողմից կայացված կարգալույծի որոշումը և վերականգնել իրենց հովվական պաշտոններում։