«Ինձ թվում է՝ այդ կիսափողոցային բառամթերքը կարծես շատ հանդուրժեցինք։ Ինչքան նկատողություն չի արվում, բոլորն ավելի ոգևորվում են։ Եթե որևէ մեկին թվում է, որ փողոցային լինելը նորաձև է, բացարձակապես այդպես չէ»,- հայտարարել է Երևանի քաղաքապետ Տիգրան Ավինյանը ավագանու նիստում։
Ավինյանը հիշեցրել է, որ ընթանում է Երևանի ավագանու նիստը, և երևանցիներն ուղիղ եթերով հետևում են՝ ով ինչպես է խոսում.
«Եթե որևէ մեկին թվում է, որ փողոցային լինելը նորաձև է, բացարձակապես այդպես չէ։ Խնդրում եմ՝ իրար նկատմամբ, այն մարդկանց նկատմամբ, ովքեր լսում են ձեր խոսքը, Երևան քաղաքի նկատմամբ հարգանքով խոսեք»,- ասել է նա։