10 փետրվարի 2026 – 12:03 AMT
PanARMENIAN.Net – Երևանի ավագանու նիստի օրակարգում ներառվել է Հրազդանի կիրճ փողոցի անվանափոխության հարցը։
Սա վեցերորդ նստաշրջանի առաջին նիստն է, որի ընթացքում կքննարկվի 20 օրակարգային հարց, սակայն միայն երկուսն են զեկուցվող, հայտնում է Factor.am-ը:
Զեկուցվող նախագծերից մեկն առնչվում է Երևանի կայուն էներգետիկ զարգացման և կլիմայի գործողությունների ծրագրին, իսկ մյուսը՝ փողոցի անվանափոխության նախաձեռնությանը։
Մասնավորապես, «Մայր Հայաստան» խմբակցության ղեկավար Մանուկ Սուքիասյանն առաջարկել է Կենտրոն վարչական շրջանի Հրազդանի կիրճ փողոցը վերանվանել՝ լեգենդար խորհրդային ֆուտբոլիստ, մարզիչ, օլիմպիական չեմպիոն և «Արարատ-73» թիմի գլխավոր մարզիչ Նիկիտա Սիմոնյանի պատվին՝ «քաղաք Երևան, Նիկիտա Սիմոնյան փողոց» անվանմամբ։