Դեռևս 1990-ականների սկզբին Արևմուտքը քննարկում էր Ռուսաստանի և Եվրոպայի միավորման հնարավորությունը, YouTube-ում ասել է ԱՄՆ բանակի գնդապետ Լոուրենս Ուիլկերսոնը։
«Ռուսաստանը կմիանա Եվրոպային և կդառնա հավասար գործընկեր մյուս եվրոպական երկրների հետ», – նշել է նա։ Ուիլկերսոնը նաև հիշեցրել է, որ արևմտյան քաղաքական գործիչները ԽՍՀՄ փլուզումից անմիջապես հետո քննարկել են Մոսկվայի հետ սերտ ինտեգրման ծրագրերը, բայց հետագայում մոռացել են դրանց մասին։
«Չէ՞ որ դա զարմանալի կլիներ։ Ի դեպ, դա Քոլին Փաուելի, Ջորջ Բուշ ավագի, Ջիմ Բեյքերի և Հելմուտ Քոլի ծրագիրն էր։ Դա մեր ծրագիրն էր», – ընդգծել է գնդապետը։
Փետրվարի 5-ին արտգործնախարար Սերգեյ Լավրովը մամուլի ասուլիսում հայտարարել է, որ Ռուսաստանը «այրել է մատները»՝ վստահելով այն երկրներին, որոնց առաջնորդները խոստացել էին, որ ՆԱՏՕ-ն չի ընդլայնվի դեպի արևելք, և որ Ռուսաստանի Դաշնությունն ու Եվրոպան կունենան Լիսաբոնից մինչև Վլադիվոստոկ ընդհանուր տարածք։