Ճապոնիայի վարչապետ Սանաե Տակաիչիի գլխավորած Լիբերալ-դեմոկրատական կուսակցությունը (ԼԴԿ) համոզիչ հաղթանակ է տարել ընտրություններում՝ ապահովելով 465 տեղերից 316-ը, ըստ ճապոնական NHK հեռարձակողի:
Սա ԼԴԿ-ի լավագույն արդյունքն է 1955 թվականին հիմնադրումից ի վեր։ Կուսակցությունը ապահովել է սահմանադրական մեծամասնություն ստորին պալատում՝ հարթելով բարեփոխումների ճանապարհը։
Նույնիսկ արտահերթ ընտրությունների պաշտոնական արդյունքների հրապարակումից առաջ Դոնալդ Թրամփը շնորհավորել է Տակաիչիին։
«Սանաե, ինձ համար պատիվ էր աջակցել ձեզ և ձեր կոալիցիային։ Մաղթում եմ ձեզ մեծ հաջողություններ ձեր պահպանողական, «խաղաղություն ուժի միջոցով» օրակարգի ընդունման գործում»,- գրել է ԱՄՆ նախագահը Truth սոցցանցի իր էջում։