ԱՄՆ փոխնախագահ Ջեյ Դի Վենսը փետրվարի 9-11-ը կայցելի Հայաստան և Ադրբեջան, «Ազատության» Վաշինգտոնի թղթակցին հայտնել է փոխնախագահի մամուլի քարտուղարը:
Ըստ հաստատված ժամանակացույցի՝ Վենսը փետրվարի 9-ին և 10-ին կլինի Երևանում, ինչից հետո կմեկնի Բաքու՝ այնտեղ մնալով մինչև փետրվարի 11-ը։ Ակնկալվում է, որ բարձրաստիճան պաշտոնյան Վաշինգտոն կվերադառնա չորեքշաբթի երեկոյան։
Թեև պաշտոնական Երևանը դեռևս չի հրապարակել այցի մանրամասն օրակարգը, հայկական կողմն արդեն իսկ ազդարարում է երկկողմ հարաբերությունների հեռանկարների վերաբերյալ նոր և նշանակալի հայտարարությունների սպասվող հնչեցման մասին։