ԱՄՆ նախագահ Դոնալդ Թրամփը իր Truth Social սոցիալական ցանցում տեսանյութ է հրապարակել 2020 թվականի ընտրություններում ենթադրյալ ընտրակեղծիքների մասին: Տեսանյութն ավարտվում է նախկին նախագահ Բարաք Օբամայի և նրա կնոջ՝ Միշելի՝ կապիկների հագուստով պատկերով։
Մոտավորապես մեկ րոպե տևողությամբ տեսանյութում խոսվում է ձայների հաշվարկի «անոմալիաների» մասին: Այնտեղ պնդվում է, որ հաշվարկը դադարեցվել է հինգ հիմնական նահանգներում, սակայն վերսկսվելուց հետո ձայների կտրուկ աճ է գրանցվել նախկին նախագահ Ջո Բայդենի օգտին: Տեսանյութն ավարտվում է Բարաք և Միշել Օբամաների դեմքերի մեկ վայրկյանանոց ներդիրով՝ կապիկների մարմինների վրա։
Հաղորդագրությունը սուր քննադատության է արժանացել դեմոկրատների կողմից: «Սա նախագահի կողմից նողկալի արարք էր: Յուրաքանչյուր հանրապետական պետք է անհապաղ դատապարտի սա», — X սոցիալական ցանցում գրել է դեմոկրատ Գևին Նյուսոմը։
