Երևանի քաղաքապետի մամուլի քարտուղար Արտյոմ Կարապետյանը սոցցցանցի իր էջում գրել է.
«Երևանը և Նիցցան քույր քաղաքներ են 2007 թվականից, և քաղաքները գործակցում են մի շարք ոլորտներում։ Երևանի մասնակցությունը Նիցցայի օրերին նվիրված մշակութային պաշտոնական միջոցառմանը, որը կազմակերպել է Նիցցայի քաղաքապետարանը, միանգամայն տեղավորվում է միջքաղաքային գործակցության տրամաբանության մեջ: Միջոցառման՝ երկիմաստ հնչող անվանումը սիմվոլիկ է, և արտացոլում է իրադարձության մշակութային կոնցեպտը, և ոչ թե ձևաչափը: Սա Նիցցայի քաղաքային կյանքի կարևորագույն և ավանդական միջոցառումներից է, որին մասնակցում են քույր և գործընկեր քաղաքների պատվիրակությունները: Նման ձևաչափերը քաղաքական չեն, սակայն քաղաքային դիվանագիտության առանցքային գործիք են՝ ուղղված քույր քաղաքների միջև կապերի ամրապնդմանն ու գործակցության զարգացմանը։ Եվ այս ֆոնին առնվազն տարակուսելի են որոշ որակումներ, թե Երևանի մասնակցությունն այս միջոցառմանն անիմաստ է, իրականում, անիմաստ է քաղաքների գործակցության դրսևորման տրամաբանությունից կորզել շահարկումների թեմա: Այցը երկօրյա է և ունի աշխատանքային բնույթ»։