Ռուսաստանը և Բրազիլիան հետաքրքրված են դեղագործության, նավաշինության և կիբերանվտանգության ոլորտներում համագործակցության զարգացմամբ։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին ասվում է երկու երկրների միջև բարձր մակարդակի հանձնաժողովի նիստից հետո տարածված հայտարարության մեջ։
Փետրվարի 5-ին Բրազիլիայում տեղի է ունեցել ռուս-բրազիլական բարձր մակարդակի համագործակցության հանձնաժողովի ութերորդ նիստը՝ Ռուսաստանի վարչապետ Միխայիլ Միշուստինի և Բրազիլիայի փոխնախագահ Ջերալդո Ալկմինի նախագահությամբ։
Հանդիպումից հետո նրանք ստորագրել են համատեղ հայտարարություն։
«Հաստատվել է նաև դեղագործական և բժշկական արդյունաբերության, նավաշինության, թվային արդյունաբերական տեխնոլոգիաների և կիբերանվտանգության ոլորտներում համագործակցության զարգացման փոխադարձ հետաքրքրությունը», – ասվում է հայտարարության մեջ։
Միշուստինը և Ալկմինը նաև ընդգծել են երկկողմ հարաբերություններում գիտության, տեխնոլոգիաների և նորարարության ոլորտներում համագործակցության կարևորությունը։