Չինաստանի ռազմական և տեխնոլոգիական էլիտայում շարունակվող «զտումները» նոր թափ են ստանում։ Պետական լրատվամիջոցները հայտնել են, որ պաշտպանության ոլորտի հետ կապված երեք չինացի օրենսդիր հեռացվել է պաշտոնից՝ երկրում բարձրաստիճան գեներալների նկատմամբ հարուցված գործով։
Այս գործընթացի ամենաազդեցիկ կողմը գեներալ Չժան Յուքսայի՝ Սի Ծինփինի մերձավոր դաշնակցի դեմ սկսված հետաքննությունն է։ Reuters-ը գրում է, որ սա ոչ միայն ներքին իշխանական վերադասավորում է, այլև՝ լուրջ հարված միջազգային կայունությանը։
Հաղորդվում է, որ Չժան Յուքսայի հեռացմամբ Վաշինգտոնը կորցնում է Պեկինի հետ ռազմական ուղիղ կապի վստահելի միակ խողովակը, ինչը մեծացնում է երկու գերտերությունների միջև պատահական բախումների ռիսկը։
Պաշտոնանկությունների ժամկետները պատահական չեն։ Դրանք տեղի են ունենում Չինաստանի ժողներկայացուցիչների համագումարից ընդամենը մեկ ամիս առաջ։ Սա հստակ ազդակ է, որ Պեկինը մտադիր է մինչև 2035 թվականը հասնել լիակատար ռազմական արդիականացման, սակայն ճանապարհին ստիպված է զոհաբերել նույնիսկ ամենաբարձրաստիճան կադրերին՝ կոռուպցիոն ռիսկերը զսպելու համար։