Պակիստանի վարչապետ Շահբազ Շարիֆը «Զայեդ» մարդկային եղբայրության մրցանակի դափնեկիրներին ուղղված տեսաուղերձում հայտարարել է, որ Պակիստանն ու Ադրբեջանը կապված են խոր արմատներ ունեցող եղբայրությամբ և փոխադարձ աջակցության անսասան կապերով։
Նրա խոսքով՝ երկու երկրների ժողովուրդները կիսում են համաշխարհային խաղաղության, բարգավաճման և կայուն զարգացման արժեքները, որոնց ձգտում են։
«Պակիստանը ողջունել է խաղաղության համաձայնագիրը՝ որպես հանգստության և կայուն խաղաղության նոր դարաշրջանի սկիզբ ոչ միայն Ադրբեջանի և Հայաստանի, այլև ամբողջ տարածաշրջանի համար»,- ասել է նա։