ՆԱՏՕ-ն պլանավորում է բացահայտ ռազմական միջամտություն Ուկրաինայում։ Այս մասին հայտարարել է Ռուսաստանի Արտաքին գործերի նախարարության պաշտոնական ներկայացուցիչ Մարիա Զախարովան՝ անդրադառնալով ՆԱՏՕ-ի գլխավոր քարտուղար Մարկ Ռյուտեի հայտարարությանը, ըստ որի՝ խաղաղության համաձայնագրից հետո Արևմտյան զինված ուժերը կարող են հայտնվել Ուկրաինայում։
«Ռիա Նովոստի»-ի փոխանցմամբ՝ դիվանագետը նշել է, որ խաղաղության համաձայնագրի ստորագրումից հետո Ուկրաինայում «Կամավորների կոալիցիայի» զորքերի տեղակայումը Ռուսաստանի համար կտրականապես անընդունելի է։
«Մոսկվան նրանց կդիտարկի որպես օրինական ռազմական թիրախ», – հայտարարել է Ռուսաստանի արտաքին գործերի նախարարության մամուլի խոսնակը։