Հեղինակավոր Forbes պարբերականը գրում է, որ Իլոն Մասկը պատմության մեջ առաջին անգամ դարձել է 800 միլիարդ դոլար և ավելի կարողություն ունեցող մարդը աշխարհում։ Նրա հրթիռային SpaceX ընկերությունը ձեռք է բերել նրա արհեստական բանականության և սոցիալական մեդիայի xAI ընկերությունը։
Forbes-ի գնահատմամբ՝ այս գործարքի արդյունքում Մասկի կարողությունը միանգամից 84 միլիարդով աճել է և հասել 852 միլիարդ դոլարի։ Գործարքով երկու ընկերությունները միացել են, և նրանցընդհանուր արժեքը դարձել է 1.25 տրիլիոն դոլար։
Մինչ միաձուլումը Մասկը SpaceX-ում ուներ մոտ 42% բաժնեմաս (336 մլրդ), իսկ xAI-ում՝ 49% (122 մլրդ)։ Միաձուլումից հետո նա ստացել է մոտ 43% բաժնեմաս արդեն միացյալ ընկերության մեջ, ինչը գնահատվում է 542 միլիարդ դոլարով։ Այսպիսով SpaceX-ն այժմ նրա ամենաթանկ ակտիվն է։
Համեմատության համար՝ Tesla-ում նա ունի 12% բաժնեմաս (178 մլրդ) և լրացուցիչ օպցիոններ (124 մլրդ)։
Սա վերջին մեկ տարվա ընթացքում Մասկի ընկերությունների երկրորդ միաձուլումն է։ Անցյալ մարտին xAI-ն միացել էր X-ին (նախկին Twitter-ին), բայց հիմա ամեն ինչ միավորվել է SpaceX-ի մեջ։