Իրանի նախագահ Մասուդ Փեզեշքիանը արտգործնախարար
Աբբաս Արաղչիին հանձնարարել է բանակցություններ սկսել Միացյալ Նահանգների հետ։
Փեզեշքիանը X սոցցանցում գրել է, որ դրանով արձագանքում
է տարածաշրջանի՝ Իրանին բարեկամ երկրների խնդրանքին։
«Ես հանձնարարել եմ արտգործնախարարին, սպառնալիքներից
և անհիմն սպասումներից զերծ համապատասխան հանգամանքների ստեղծման դեպքում, անցկացնել
ազնիվ բանակցություններ՝ առաջնորդվելով արժանապատվության, ողջամտության և նպատակահարմարության
սկզբունքներով»,- գրել է Փեզեշքիանը։
Նրա խոսքով՝ այդ բանակցությունները պետք է անցկացվեն
Իրանի ազգային շահերի շրջանակներում։