Ամիրյան փողոցի շենքերից մեկի պատշգամբից քարերը թափվել են «Բալլի» խանութի մուտքի ծածկի վրա

Shamshyan.com-ի տեղեկություններով՝ մինչ դեպքի վայր կժամանեին ՀՀ ՆԳՆ Փրկարար ծառայության հատուկ նշանակության փրկարարական աշխատանքների իրականացման կենտրոնի հատուկ փրկարար ջոկատից, տարածքում քաղաքացիների անվտանգությունն ապահովելու նպատակով «Բալլի» խանութի աշխատակիցները իրենք էին հսկել, որպեսզի քաղաքացիները շրջանցեն մայթը, քանի որ պատշգամբից թափված քարերն ու սվաղը վնասել էին նաև «Բալլի» խանութի մուտքի պաշտպանիչ ծածկը։

Ժամանած փրկարարները ծածկի վրայից հեռացրել են քարի կտորները և սահմանազատել են տարածքը։

Բարեբախտաբար քարաթափման պահին քաղաքացիներ չեն անցել, հակառակ դեպքում նրանց կպատճառվեին մարմնական վնասվածքներ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: