Երբ հակառակվում են մարդիկ

Դու միայն հավատա:

Երիքովի պարիսպները փուլ եկան:

Բահ ու բրիչով կամ մարդու կողմից հնարված մի որևէ գործիքով չէր, որ ցած թափվեցին դրանք: Ժողովրդի երգած Գոհության երգերը` Իմ մտադրության հետ միասին, այդ գործը գլուխ բերեցին:

Բոլո՛ր պատերը փուլ կգան նաև քո առաջ: Չկա՛ երկրային մի զորություն, որ կարողանա ընդդիմանալ Ինձ: Նրանց հակառակության պարիսպները թղթե տնակների պես ցած կթափվեն` Իմ հրաշագործ հպումից:

Քո հավատքը և Իմ զորությունը. այս երկուսն են սոսկ անհրաժեշտ:

ՈՒրիշ ոչի՛նչ պետք չէ:

Եթե մարդկանց փոքր ընդդիմությունները շարունակվում են, նշանակում է` Ես նախընտրեցի, որ այդ ընդդիմությունը մնա քո և քո գործած սխալի միջև:

Թագավորների սրտերը Իմ կարգադրության ու իշխանության տակ են գտնվում:

Բոլո՛ր մարդիկ կարող են շարժվել Իմ կամքով:

Իմացի՛ր, որ այս ստո՛ւյգ իրողություն է:

Վստահի՛ր Ինձ: