«Մենք այննպիսի իրավիճակում ենք, որ կարելի է ասել՝ արդեն ամեն ինչ նախօրոք հաճախ կանխորոշված է լինում, բայց ինչևէ, եթե այստեղ եմ, ուրեմն, հույս ունեմ, որովհետև գիտեմ՝ ի սկզբանե կալանքը բավարարելն անհիմն էր»,- այս մասին դատարանի առջև լրագրողների հետ զրույցում հայտարարեց փաստաբան Սերգեյ Հարությունյանը՝ հույս հայտնելով, որ այսօր Արշակ սրբազանի խափանման միջոցի պարագայում փոփոխություն կլինի։
Թեև փաստաբանը միաժամակ հիշեցրեց, թե ի՞նչ է կատարվում մեր երկրում՝ նկատի ունենալով իրավական համակարգում ճնշումները,ԲԴԽ համակարգի կողմից դատավորների նկատմամբ ճնշումները։
Լրագրողի ճշտող հարցին, թե այս գործով իրեղեն ապացույցը անհետանոլու մասին տեղեկությունը որքանո՞վ է համապատասխանում իրականությանը, Հարությունյանն ասաց․
«Այս պահին որևէ ստույգ պաշտոնական ինֆորմացիա չկա, թե՞ դա համապատասխանում է իրականությանը, թե՝ ոչ։ Կփորձեմ, ամեն դեպքում, այսօր քննիչներից ճշտել։Ինչ վերաբերում է մարտավարության տեսանկյունից, կարծում եմ՝ դա ինչ-որ արժեքավոր բան կարող է փոխել, մնացածը ժամանակը ցույց կտա»։
Փաստաբանն ամեն դեպքում զավեշտ համարեց այն,որ կալանավայրում գտնվող չորս սրբազաններից երեքի գործը նույն դատավորի մոտ է գտնվում։
Նա նաև տեղեկացրեց, որ Արշակ սրբազանին վերջին անգա վերջին անգամ տեսակցել է երկու օր առաջ։
«Տրամադրությունը, ինչպես մի, շատ լավ էր։ Այս ամենին նա շատ հումորով է վերաբերվում, եթե ոչ՝ հեգնանքով։ Հասկանում է, որ այս ամենի նպատակը և պատճառը»,- նշեց Հարությունյանը։
Ավելի մանրամասն՝ տեսանյութում։