Եվրամիությունը մերժում է Իրանի բոլոր մեղադրանքները՝ ԵՄ անդամ պետությունների զինված ուժերին ահաբեկչական կազմակերպություններ ճանաչելու վերաբերյալ, Բրյուսելում կայացած ճեպազրույցի ժամանակ հայտարարել է ԵՄ արտաքին ծառայության խոսնակ Անվար ալ-Անունին։
«Մենք ամբողջությամբ մերժում ենք ԵՄ զինված ուժերին ահաբեկչական կազմակերպություններ ճանաչելու մասին հայտարարությունը և համապատասխան մեղադրանքները։ ԵՄ դեսպաններին կանչելու վերաբերյալ հիշեցնում եմ, որ Վիեննայի կոնվենցիան նման գործողություններ է նախատեսում որպես դիվանագիտական պրակտիկայի մաս։ Այլևս ավելացնելու բան չկա», – ասել է նա։
Փետրվարի 1-ին Իրանի խորհրդարանի խոսնակ Մոհամմադ Բաղեր Ղալիբաֆը, ի պատասխան ԵՄ կողմից Իսլամական հեղափոխության պահապանների կորպուսի (ԻՀՊԿ, զինված ուժերի էլիտար ստորաբաժանում) ահաբեկչական կազմակերպություն ճանաչելուն, հայտարարել է, որ Իրանի խորհրդարանը ԵՄ անդամ պետությունների զինված ուժերը ճանաչել է որպես ահաբեկչական կազմակերպություններ։