Թրամփը պնդել է, որ երբեք չի եղել Էփշտեյնի կղզում կամ նույնիսկ դրա մոտակայքում։
ԱՄՆ նախագահը մեղադրել է «Գրեմմի» մրցանակաբաշխության հաղորդավար Թրևոր Նոային զրպարտության մեջ՝ Դոնալդ Թրամփի և Բիլ Քլինթոնի կողմից Էփշտեյնի կղզում ժամանակ անցկացնելու մասին պնդումների համար։
«Թրևոր Նոան, ով էլ որ լինի, գրեթե նույնքան վատն է, որքան Ջիմի Քիմմելը Օսկարի մրցանակաբաշխության ժամանակ, որը ցածր վարկանիշ ուներ։ Հաղորդավար Թրևոր Նոան իմ մասին ասաց, որ Դոնալդ Թրամփը և Բիլ Քլինթոնը ժամանակ են անցկացրել Էփշտեյն կղզում։ Ես երբեք չեմ եղել Էփշտեյնի կղզում, ոչ էլ մոտակայքում։ Ես կուղարկեմ իմ փաստաբաններին՝ դատի տալու այս խեղճ, անշնորհք, անտաղանդ հեռուստահաղորդավարին», – գրել է Թրամփը սոցիալական ցանցի իր էջում։