31 հունվարի 2026 – 15:17 AMT
PanARMENIAN.Net – ՀՀ Զինված ուժերի հոգևոր առաջնորդության գնդերեց Տեր Պսակ քահանա Մկրտչյանը ֆեյսբուքյան իր էջում հայտնել է, որ առավոտից Քանաքեռի Սբ Աստվածածին եկեղեցու մուտքը հսկվում է Ռազմական ոստիկանության մեքենան։
«Տեղեկացնում եմ, որ ՀՀ ԶՈւ Հոգևոր առաջնորդությանը պատկանող Քանաքեռի Սուրբ Աստվածածին եկեղեցին առավոտից հսկում է Ռազմական ոստիկանության մեքենան։
Հիշեցնենք,որ Սուրբ Աստվածածին եկեղեցին պատկանում է Մայր Աթոռ Սուրբ Էջմիածնին։ Ըստ երևույթին ուզում են խոչընդոտել հոգևորականների մուտքը եկեղեցի»,- գրել է Տեր Պսակ քահանա Մկրտչյանը։
Պաշտպանության նախարարության խոսնակ Արամ Թորոսյանը մեկնաբանել է եկեղեցու մոտ Ռազմական ոստիկանության մեքենայի ներկայությունը՝ նշելով, որ տարածքում տեղակայված են մի քանի զորամասեր և կատարվում է բնականոն ծառայություն։
«Երևանի նշված վարչական շրջանում մի քանի զորամաս կա, բնականոն ծառայություն է»,–ասել է նա, հայտնում է Panorama.am-ը:
Պաշտպանության նախարար Սուրեն Պապիկյանի որոշմամբ Զինված ուժերում լուծարվում է հոգևոր առաջնորդությունը։