«Կրասնոդարի» ավագ Էդուարդ Սպերցյանը կիսվել է թենիսի Ավստրալիայի բաց առաջնության տղամարդկանց մենախաղի եզրափակիչից ունեցած սպասելիքներով։
Վաղը՝ փետրվարի 1-ին, «Մեծ սաղավարտի» տարվա առաջին մրցաշարի տիտղոսը կվիճարկեն սերբ Նովակ Ջոկովիչն ու իսպանացի Կառլոս Ալկարասը։
Ակումբի մամուլի ծառայության հետ զրույցում հայ կիսապաշտպանը պատասխանել է հարցին, թե ում է աջակցելու վճռորոշ խաղում.
«Երկրպագելու եմ Նովակ Ջոկովիչին։ Ինչո՞ւ պետք է հենց նա հաղթի. որովհետև նա լեգենդ է։ Ես պարզապես նրա երկրպագուն եմ», — ասել է Սպերցյանը։