Պենտագոնը լրացուցիչ ՀՕՊ միջոցներ է տրամադրում՝ Իսրայելին, ԱՄՆ արաբ դաշնակիցներին և ամերիկյան զորքերին Իրանի հարձակման դեպքում պաշտպանելու համար, հաղորդում է Wall Street Journal-ը։
Իրանի արտաքին գործերի նախարար Աբբաս Արաղչին ընդգծել է, որ Իրանը ուշադիր հետևում է հետախուզական տվյալներին ԱՄՆ գործողությունների լույսի ներքո և ձեռնարկում է անհրաժեշտ միջոցներ՝ նշելով, որ երկրի արձագանքը հարձակմանը ցնցող կլինի։
«Պենտագոնը լրացուցիչ ՀՕՊ միջոցներ է տեղակայում՝ Իսրայելին, նրա արաբ դաշնակիցներին և ամերիկյան զորքերին ավելի լավ պաշտպանելու համար Իրանի պատասխան հարվածի դեպքում», – նշվում է հրատարակության մեջ։
Ավելի վաղ ԱՄՆ նախագահ Դոնալդ Թրամփը հայտարարել էր, որ «հսկայական նավատորմ» է շարժվում դեպի Իրան և հույս էր հայտնել, որ Իսլամական Հանրապետությունը կհամաձայնվի նստել բանակցությունների սեղանի շուրջ և հասնել «արդար և հավասար» համաձայնագրի, որը կենթադրի միջուկային զենքից լիակատար հրաժարում։