Անգամ գեներալներ են փորձել համոզել գնդերեցներին. Տեր Պսակը մանրամասներ հայտնեց. ոստիկանները շարունակում են հսկել եկեղեցու բակը (տեսանյութեր, լուսանկարներ)

ՀՀ ԶՈւ Հոգևոր առաջնորդությանը պատկանող Քանաքեռի Սուրբ Աստվածածին եկեղեցու հոգևոր հովիվ Տեր Պսակ քահանա Մկրտչյանը առավոտյան գրառում էր արել, տեղեկացնելով, որ առավոտից եկեղեցին հսկում է Ռազմական Ոստիկանության մեքենայով աշխատակիցներ:

Պարզվում է ոստիկաններն այդեղ են վաղ առավոտից: 2 ոստիկան, մեքենայից դուրս չգալով, նստած հետևում էին եկեղեցու բակում տեղի ունեցող շարժին: 

Ի դեպ, ոստիկանները,  ախնա վատնելով վառելիքը,  միացրել էին մեքենայի շարժիչը, որպեսզի չմսրեն հանկարծ:

Տեր Պսակ քահանա Մկրտչյանը, լրագրողների հետ զրույցում նշց, որ գնդերեցներին փորձել են, մեղմ ասած, գնել բնակարաններով ու բարձր աշխատավարձով, որպեսզի նրանք միանան իշխանության կողմից Մայր եկեղեցու դեմ տարվող արշավին:

Տեր Պսակը նշեց, նաև, որ անգամ գեներալներ են փորձել համոզել գնդերեցներին:

Ու քանի որ գնդերեցները մնացել են անսասան, իշխանությունը որոշել է լուծարել ԶՈՒ ուժերում հոգևոր առաջնորդությունը:

NEWSPRESS.am-ը ներկայացնում է Տեր Պսակի մեկնաբանությունը՝ կապված միջադեպի և  Զինված ուժերում հոգևոր առաջնորդությունը լուծարելու մասին որոշման հետ:

Արմինե Մկրտումյան