ՊՆ-ից պարզաբանել են՝ ինչու է ռազմական ոստիկանության մեքենա հերթապահում Քանաքեռի Սուրբ Աստվածածին եկեղեցու մոտ:
«Երևանի նշված վարչական շրջանում մի քանի զորամաս կա, բնականոն ծառայություն է»,- ArmeniaSputnik-ին ասել է նախարարության խոսնակ Արամ Թորոսյանը։
Ավելի վաղ Տեր Պսակ քահանա Մկրտչյանը հայտնել էր, որ ՀՀ ԶՈւ Հոգևոր առաջնորդությանը պատկանող Քանաքեռի Սուրբ Աստվածածին եկեղեցին առավոտից հսկում է ռազմական ոստիկանության մեքենան։
«Սուրբ Աստվածածին եկեղեցին պատկանում է Մայր Աթոռ Սուրբ Էջմիածնին։ Ըստ երևույթին, ուզում են խոչընդոտել հոգևորականների մուտքը եկեղեցի»։