Միացյալ Նահանգները Իրանի իշխանություններին մեղադրել է ինտերնետային սահմանափակումները շահույթ ստանալու համար օգտագործելու մեջ։
X-ի էջում ԱՄՆ պետդեպարտամենտի պարսկերեն գրառման մեջ նշվում է, որ իրանցիները ստիպված են մեծ գումարներ վճարել VPN-ների միջոցով սահմանափակ ինտերնետային հասանելիության համար։ Ըստ հրապարակման՝ շատ ընտանիքներ դժվարանում են ձեռք բերել հիմնական անհրաժեշտության պարագաներ և ուտելիք։
Գրառման մեջ ասվում է, որ սահմանափակումները ինտերնետը վերածել են շքեղության, որը հասանելի է միայն փոքրաթիվ մարդկանց, չնայած՝ այն կենսական է երկրի միլիոնավոր մարդկանց համար։
Պետդեպարտամենտը Իրանի իշխանություններին մեղադրել է հանրային դժվարություններից շահույթ ստանալու մեջ և կոչ է արել ապահովել անսահմանափակ ինտերնետային հասանելիություն բոլորի համար։