Ադրբեջանը երբեք թույլ չի տա, որ իր տարածքը, այդ թվում` օդային, օգտագործվի Իրանի վրա հարձակումներ իրականացնելու համար` հայտարարել է Ադրբեջանի արտգործնախարար Ջեյհուն Բայրամովը` Իրանի իր գործընկեր Աբբաս Արաղչիի հետ հեռախոսազրույցի ժամանակ։ Այդ մասին հայտարարել է Ադրբեջանի արտգործնախարարությունը։
Բայրամովը նշել է, որ Բաքվի դիրքորոշումը սկզբունքային է և անսասան։ Ադրբեջանը դեմ է այն քայլերին և հռետորաբանությանը, որոնք կարող են հանգեցնել Իրանի ներսում և շուրջն իրավիճակի ապակայունացման։
Ավելի վաղ ԱՄՆ նախագահը հայտարարել էր, որ ամերիկյան մեծ ուժեր են շարժվում դեպի Իրան։ Թրամփը նաև քննարկում է Իրանի անվտանգության ծառայությունների և ղեկավարության վրա թիրախային հարձակում իրականացնելու հնարավորությունը։
Դիտումների քանակ4