Մենք մեր համագործակցությունները զարգացնում ենք տարբեր երկրների հետ, որոնք տիրապետում են միջուկային տեխնոլոգիաների, հայտարարել է Փաշինյանը
ԵՐԵՎԱՆ, 29 հունվարի․/Նովոստի–Արմենիա/․ Մենք մեր համագործակցությունները զարգացնում ենք տարբեր երկրների հետ, որոնք տիրապետում են միջուկային տեխնոլոգիաների:
Այս մասին իր ճեպազրույցի ժամանակ հայտարարել է ՀՀ վարչապետ Նիկոլ Փաշինյանը։
«Այս պահին աշխատում ենք բոլոր գործընկերների հետ՝ Ֆրանսիայի, ԱՄՆ-ի, ՌԴ-ի, Հարավային Կորեայի, Չինաստանի հետ», – ասաց Փաշինյանը։
Նշենք, որ օրերս ԱՄՆ նախագահ Դոնալդ Թրամփը հայտարարել է, որ ԱՄՆ փոխնախագահ Ջեյ Դի Վենսը փետրվարին կայցելի Հայաստան և Ադրբեջան՝ շարունակելու խաղաղության հաստատման ջանքերը և առաջ մղելու TRIPP նախագիծը։ Թրամփը նաև հայտարարել է Հայաստանի հետ «խաղաղ միջուկային համագործակցության մասին հիանալի համաձայնագիր» կնքելու մտադրության մասին:
