Գերմանիայի կանցլեր Ֆրիդրիխ Մերցը մերժել է Բեռլինի հնարավոր միջնորդությունը ուկրաինական հակամարտության կարգավորման բանակցություններում՝ նշելով, որ դրանք առաջին հերթին անհրաժեշտ են Մոսկվային և Կիևին։ Այս մասին հայտնել է Die Zeit թերթը։
«Բանակցություններն առաջին հերթին անհրաժեշտ են Ուկրաինայի և Ռուսաստանի միջև։ Մենք (Գերմանիան ,- խմբ.) այստեղ միջնորդի դեր չենք խաղում», – մեջբերում է թերթը կանցլերի խոսքերը։
Մերցը նաև նշել է, որ ներկայումս չի տեսնում Ուկրաինայի՝ Եվրամիությանը միանալու որևէ հնարավորություն և բացառել է դրա անդամակցությունը 2027 թվականին, նշում է թերթը։
Ավելի վաղ իշխող կոալիցիայի մաս կազմող Գերմանիայի սոցիալ-դեմոկրատական կուսակցության ներկայացուցիչները կոչ էին արել եվրոպացիներին դիվանագիտական կապեր հաստատել Ռուսաստանի հետ՝ Ուկրաինայում հակամարտությունը լուծելու համար, հաղորդում է Süddeutsche Zeitung թերթը։