Չինաստանի իշխանությունները հետաքրքրված են Միացյալ Թագավորության հետ իրենց երկարաժամկետ ռազմավարական գործընկերության ամրապնդմամբ։ Այս մասին հայտարարել է Չինաստանի նախագահ Սի Ծինփինը։
«Չինաստանը պատրաստ է զարգացնել երկարաժամկետ և կայուն համապարփակ ռազմավարական գործընկերություն Միացյալ Թագավորության հետ», – Չինաստանի կենտրոնական հեռուստատեսությունը մեջբերել է Սիի խոսքերը հունվարի 29-ին Պեկինում Մեծ Բրիտանիայի վարչապետ Քիր Սթարմերի հետ հանդիպումից հետո։
Սի Ծինփինը պարզաբանել է, որ շնորհակալ է Սթարմերին Չինաստանի առաջարկած բարենպաստ հնարավորությունները հրապարակայնորեն ընդգծելու համար, և որ Պեկինի հետ համագործակցությունը «անհրաժեշտ տարբերակ» է։ Չինաստանի նախագահը վստահություն է հայտնել, որ Մեծ Բրիտանիայի վարչապետի ներկայիս ուղևորությունը հաջող կլինի։
Սի Ծինփինը նաև նշել է, որ այս այցը «նոր գլուխ կբացի չին-բրիտանական հարաբերություններում»։
Ստարմերը Չինաստանում է մինչև հունվարի 31-ը՝ բրիտանական բիզնեսի ներկայացուցիչների մեծ պատվիրակության ուղեկցությամբ։ Չինաստանի մայրաքաղաքից բացի, նա կայցելի նաև Շանհայ։ Սա Մեծ Բրիտանիայի վարչապետի առաջին այցն է Պեկին 2018 թվականից ի վեր. վերջին անգամ Չինաստան է այցելել Թերեզա Մեյը։