Ուկրաինայի ճգնաժամի կարգավորման գործընթացում քննարկվող տարածքների հարցը դեռ մնում է չլուծված, Կոնգրեսի Սենատում հայտարարել է ԱՄՆ պետքարտուղար Մարկո Ռուբիոն: Այս մասին հայտնում է Interfax-ը:
«Սա այն սահմանն է, որը մենք դեռ պետք է անցնենք, դա դեռ բաց է։ Բայց, ամեն դեպքում մեզ հաջողվել է թեմաների փաթեթը հասցնել մեկ ամբողջականի», – ասել է նա։
Ռուբիոյի խոսքով՝ ակտիվ աշխատանք է տարվում տարածքային հարցում կողմերի դիրքորոշումները կապելու ուղղությամբ։
Պետքարտուղարը նշել է, որ բանակցությունների հաջորդ փուլը կանցկացվի երկկողմ ձևաչափով՝ ԱՄՆ-ի հնարավոր մասնակցությամբ:
Ռուբիոն հունվարի 28-ին հայտարարել էր Ուկրաինայի անվտանգության երաշխիքների վերաբերյալ համաձայնության մասին: Ուկրաինայի արտաքին գործերի նախարար Անդրեյ Սիբիգան էլ հայտնել էր, որ Ուկրաինան և Ռուսաստանը 20 կետանոց շրջանակային խաղաղության փաստաթուղթ կստորագրեն Միացյալ Նահանգների հետ առանձին:
