28 հունվարի 2026 – 15:13 AMT
PanARMENIAN.Net – Հայաստանի Մարդու իրավունքների նախկին պաշտպան Արման Թաթոյանը բանակի օրվա առթիվ շնորհավորական ուղերձում հայտարարել է, որ վարչապետի պաշտոնին առաջադրվելու թիվ մեկ նպատակը մեր երկրում իրական խաղաղություն հաստատելն է:
«Մեր առաջարկներն ուժեղ Հայոց բանակի ու անվտանգության մասին:
Ոչինչ նշանակություն չունի, եթե չունենք խաղաղություն և անվտանգություն, եթե չունենք կարողություն պաշտպանելու ինքներս մեզ։
Մենք պատասխանատու ենք մեր քաղաքացիների առաջ, խոնարհվում ենք մեր հերոսների սուրբ հիշատակի առաջ և պարտական ենք նրանց ընտանիքներին։
Շնորհավո´ր տոնդ, Հայոց բանակ»,-գրել է նա։