https://arm.sputniknews.ru/20260128/haj-gerineri-veradardzy-nshanakali-nerdrum-klini-adrbejani-het-hashtecman-gvortsum-mirzvojan-98183172.html
Հայ գերիների վերադարձը նշանակալի ներդրում կլինի Ադրբեջանի հետ հաշտեցման գործում. Միրզոյան
Հայ գերիների վերադարձը նշանակալի ներդրում կլինի Ադրբեջանի հետ հաշտեցման գործում. Միրզոյան
Sputnik Արմենիա
ՀՀ արտգործնախարարը հայտարարեց, որ Հայաստանը շարունակում է վճռականորեն հանձնառու մնալ Թուրքիայի հետ հարաբերությունների լիակատար կարգավորմանը։ 28.01.2026, Sputnik Արմենիա
2026-01-28T15:51+0400
2026-01-28T15:51+0400
2026-01-28T15:56+0400
հայաստան
գերի
արարատ միրզոյան
https://cdn.am.sputniknews.ru/img/07ea/01/1c/98182120_0:12:1280:732_1920x0_80_0_0_58d6349437711fde48eb9e099eecc9a2.jpg.webp
ԵՐԵՎԱՆ, 28 հունվարի – Sputnik․ Հայ գերիների վերադարձը և անհետ կորածների ճակատագրի պարզաբանումը նշանակալի ներդրում կլինեն Հայաստանի և Ադրբեջանի հաշտեցման գործում։ Այս հայտարարությունն արեց ՀՀ արտաքին գործերի նախարար Արարատ Միրզոյանը` ելույթ ունենալով Եվրոպայի խորհրդի խորհրդարանական վեհաժողովի նստաշրջանում:Նա նշեց` խաղաղությունը, ինչպես և ժողովրդավարությունը, չի կարող ընդունվել որպես հենց այնպես, ինքնըստինքյան տրված, այն պետք է անընդհատ սնուցել, պաշտպանել, նորոգել թե՛ արտաքին, թե՛ ներքին ճնշումների պայմաններում։«Այս համատեքստում մենք խորապես գնահատում ենք ԵԽ հետևողական ուշադրությունը մեր տարածաշրջանի նկատմամբ»,– ընդգծեց նախարարը։Նրա խոսքով` Հայաստանն ու Ադրբեջանը շրջում են տասնամյակների թշնամության էջը։Միրզոյանը նաև հայտարարեց, որ Հայաստանը շարունակում է վճռականորեն հանձնառու մնալ Թուրքիայի հետ հարաբերությունների լիակատար կարգավորմանը։Միրզոյանը տեղեկացրեց, որ ԵԽԽՎ–ին Հայաստանի անդամակցության 25–րդ ամյակի առթիվ ԵԽԽՎ գլխավոր քարտուղարին կհանձնեն Հայաստանի պաշտոնական նվերը` 12–րդ դարում ստեղծված առաջին հայկական իրավական օրենսգրքի «Դատաստանագրքի» ձեռագիր վերարտադրությունը։«Այս գլուխգործոցը հիշեցնում է մեր ազգի` խոր արմատներ ունեցող նվիրվածությունն արդարադատությանը և իրավունքի գերակայությանը»,– եզրափակեց իր ելույթը նախարարը։Հիշեցնենք` հունվարի 14–ին Ադրբեջանը Հայաստանին փոխանցեց 4 գերիների` Դավիթ Դավթյանին, Գևորգ Սուջյանին, Վիգեն Էուլջեքչյանին, Վագիֆ Խաչատրյանին: Կարճ ժամանակ անց հայտնի դարձավ, որ Հայաստանն էլ Թուրքիայի միջոցով Սիրիային է փոխանցել 44-օրյա պատերազմին որպես վարձկան մասնակցած և ՀՀ–ում ցմահ ազատազրկման դատապարտված 2 անձանց։ Ըստ պաշտոնական տվյալների` այս պահին Ադրբեջանում 19 հայ գերի կա։
2026
Լուրեր
am_HY
https://cdn.am.sputniknews.ru/img/07ea/01/1c/98182120_145:0:1136:743_1920x0_80_0_0_de4c9938dcdd6e3338db1c31460da6f4.jpg.webp
հայաստան, գերի, արարատ միրզոյան
հայաստան, գերի, արարատ միրզոյան
ՀՀ արտգործնախարարը հայտարարեց, որ Հայաստանը շարունակում է վճռականորեն հանձնառու մնալ Թուրքիայի հետ հարաբերությունների լիակատար կարգավորմանը։
ԵՐԵՎԱՆ, 28 հունվարի – Sputnik․ Հայ գերիների վերադարձը և անհետ կորածների ճակատագրի պարզաբանումը նշանակալի ներդրում կլինեն Հայաստանի և Ադրբեջանի հաշտեցման գործում։ Այս հայտարարությունն արեց ՀՀ արտաքին գործերի նախարար Արարատ Միրզոյանը` ելույթ ունենալով Եվրոպայի խորհրդի խորհրդարանական վեհաժողովի նստաշրջանում:
«Վերջին 4 հայ գերիների արձակումը մեզ հույս է տալիս, որ հաջորդիվ մնացած 19 պահվող անձանց ազատ արձակումը, որոնք դեռ Ադրբեջանում են, ինչպես նաև անհետ կորած անձանց ճակատագրի պարզաբանումը, անկասկած, նշանակալի ներդրում կլինի հաշտեցման գործում»,– ասաց Միրզոյանը։
Նա նշեց` խաղաղությունը, ինչպես և ժողովրդավարությունը, չի կարող ընդունվել որպես հենց այնպես, ինքնըստինքյան տրված, այն պետք է անընդհատ սնուցել, պաշտպանել, նորոգել թե՛ արտաքին, թե՛ ներքին ճնշումների պայմաններում։
«Այս համատեքստում մենք խորապես գնահատում ենք ԵԽ հետևողական ուշադրությունը մեր տարածաշրջանի նկատմամբ»,– ընդգծեց նախարարը։
Նրա խոսքով` Հայաստանն ու Ադրբեջանը շրջում են տասնամյակների թշնամության էջը։
Միրզոյանը նաև հայտարարեց, որ Հայաստանը շարունակում է վճռականորեն հանձնառու մնալ Թուրքիայի հետ հարաբերությունների լիակատար կարգավորմանը։
«Հայաստան–Թուրքիա հարաբերությունների կարգավորման գործընթացում շարունակական առաջընթաց է։ Սահմանի լիակատար բացումը, դիվանագիտական հարաբերությունների հաստատումը և Գյումրի–Կարս երկաթուղու վերականգնումը կարևոր ներդրում կլինի տարածաշրջանային կայունացման և բարգավաճման ամրապնդման գործում»,– հայտարարեց նախարարը։
Միրզոյանը տեղեկացրեց, որ ԵԽԽՎ–ին Հայաստանի անդամակցության 25–րդ ամյակի առթիվ ԵԽԽՎ գլխավոր քարտուղարին կհանձնեն Հայաստանի պաշտոնական նվերը` 12–րդ դարում ստեղծված առաջին հայկական իրավական օրենսգրքի «Դատաստանագրքի» ձեռագիր վերարտադրությունը։
«Այս գլուխգործոցը հիշեցնում է մեր ազգի` խոր արմատներ ունեցող նվիրվածությունն արդարադատությանը և իրավունքի գերակայությանը»,– եզրափակեց իր ելույթը նախարարը։