Ռուս-ուկրաինական պատերազմում գրեթե երկու միլիոն զոհ կա

Ամերիկյան CSIS (Ռազմավարական և միջազգային հետազոտությունների կենտրոն) վերլուծական կենտրոնը հրապարակել է զեկույց, որում գնահատվում է Ռուսաստանի և Ուկրաինայի միջև պատերազմում զոհված և վիրավորված զինծառայողների ընդհանուր թիվը։

Կենտրոնի փորձագետների տվյալներով՝ 2022 թվականի փետրվարից ի վեր ռուսական բանակի կորուստների ընդհանուր թիվը կազմում է մինչև 1.2 միլիոն, այդ թվում՝ 325,000 զոհ։

Ռուս զինվորականների կորուստների թվի գնահատականը, ընդհանուր առմամբ, համընկնում է BBC-ի հաշվարկների հետ։ Նրանց տվյալների համաձայն՝ ռուսական բանակի զոհերի իրական թիվը կարող է լինել 254,800-ից մինչև 368,100։ Սակայն, վերջնական թիվը մեծանում է, երբ ներառվում են նաև նրանք, ովքեր կռվել են Ուկրաինայի դեմ «ԴԺՀ» և «ԼԺՀ» ստորաբաժանումների կազմում։

Ըստ CSIS-ի՝ լայնածավալ ներխուժման ընթացքում Ուկրաինայի զինված ուժերը, հավանաբար, կորցրել են 500,000-ից 600,000 զինվորական:

Ռուսաստանի և Ուկրաինայի միջև պատերազմում զոհերի վերաբերյալ վերջին տվյալները հայտնի դարձան ռուս, ուկրաինացի և ամերիկացի պաշտոնյաների միջև առաջին եռակողմ բանակցություններից հետո։