Ազգային ազատ հոսանք կուսակցութեան ղեկավար Ժըպրան Պասիլ յայտարարեց, որ Հըզպալլայի հետ փոխհասկացողութեան հիմքը կուսակցութեան ընտրանքներն ու զէնքը` գործընկերութեան, պետութեան կառուցման եւ Լիբանանը պաշտպանելու ճամբով լիբանանեան դարձնել էր:
«Փոխհասկացողութիւնը տապալեցաւ, երբ այս հիմքերը տապալեցան», նշեց ան:
«Պայքարի հրապարակներու միութիւնն ու Կազային թիկունք կանգնելու պատերազմը քանդեցին կուսակցութիւնն ու Լիբանանը, ինչպէս նաեւ տապալեցին զէնքին զսպիչ պարտականութիւնը», ըսաւ երեսփոխանը:
«Ցաւալի է այսօր Լիբանանը շրջակայքի տագնապներէն զանց կացուցելու եւ պաշտպանելու փոխարէն զայն նոր քանդումի ներքաշելը տեսնել», աւելցուց Պասիլ: