Իսրայելը թույլ չի տա Գազայի հատվածում պաղեստինյան պետության ստեղծել, տարածաշրջանի վերակառուցումն էլ չի սկսվի մինչև արմատական իսլամիստական «ՀԱՄԱՍ» շարժումը չապազոնականացվի և լիովին չզինաթափվի, հունվարի 27-ին, հայտարարել է Իսրայելի վարչապետ Բենիամին Նեթանյահուն։
Նա ընդգծել է, որ Իսրայելը մտադիր է պահպանել վերահսկողությունը Հորդանան գետից մինչև Միջերկրական ծով ամբողջ տարածքի, այդ թվում՝ Գազայի հատվածի նկատմամբ։
«Ինձ հասնում են հայտարարություններ, որ մենք թույլ կտանք Գազայի վերակառուցումը ապառազմականացումից առաջ։ Դա տեղի չի ունենա։ Ես լսել եմ նաև, որ մենք պատրաստվում ենք թուրք և կատարցի զինվորներ տեղակայել Գազայում։ Դա նույնպես տեղի չի ունենա։ Ես լսում եմ, որ թույլ կտամ Գազայում պաղեստինյան պետության ստեղծումը։ Դա տեղի չի ունեցել և տեղի չի ունենա», — Նեթանյահուի խոսքերը մեջբերել է The Times of Israel-ը։
Իսրայելի վարչապետը շեշտել է, որ վերջին պատանդի՝ 24-ամյա Ռան Գվիլիի մնացորդների հունվարի 26-ին վերադարձնելուց հետո Իսրայելը կենտրոնացած է ՀԱՄԱՍ-ի զենքի ոչնչացման և Գազայի հատվածի ապառազմականացման վրա, որը ներառում է զինյալների թունելների ոչնչացումը: Նեթանյահուն ասել է, որ դա տեղի կունենա «ամեն դեպքում»: