Այսօր տղայիս ծննդյան օրն է՝ 25 ամյակը. Այսօր դարձավ 25 տարեկան՝ մեր հուշերում, իրեն ճանաչողների բոլորի հուշերում, ընդմիշտ մնալով 19-ը։ Այս մասին, այսօր՝ հունվարի 27–ին, Եռաբլուր պանթեոնում լրագրողների հետ զրույցում նշեց 44–օրյա պատերազմում զոհված Ժորա Սահակյանի հայրը՝ Վահիդ Սահակյանը։
«Ես Արցախից եմ, Հադրութի շրջանի Տող գյուղից, տղաս ծառայում էր հինգերորդ պաշտպանականում։ Պատերազմի ժամանակ 27 օր Մարտակերտում, մարտնչելուց հետո հոկտեմբերի 23-ին տեղափոխում են Մարտունի երկու զորամաս, հոկտեմբերի 30-ին զոհվում է բարձունքում»,–ասաց նա։