Ադրբեջանում ձերբակալվել են կրոնական ատելության հողի վրա Բաքվում օտարերկրյա դեսպանատան դեմ ահաբեկչական հարձակում պլանավորող անձինք։
Պետական անվտանգության ծառայությունը հայտնել է, որ իրենց կողմից անցկացված քննչական գործողությունների ընթացքում հիմնավոր կասկածներ են առաջացել, որ Ադրբեջանի քաղաքացիներ՝ Իլգար Իլհամ օղլու Գուլիևը (ծնված 2000 թվականին), մականունը՝ «Աբու Զար ալ-Մուհաջիր», Ամին Էլշադ օղլու Փիրիևը (ծնված 2005 թվականին), մականունը՝ «Աբդուրահման ալ-Ազերի», և Էլվին Սանան օղլու Ալիզադեն (ծնված 2005 թվականին), մականունը՝ «Աբդուրահման ալ-Ազերի», կրոնական ատելության հողի վրա ահաբեկչական հարձակում էին պլանավորում Բաքվում օտարերկրյա դեսպանատան դեմ։
Այս անձինք, ԴԱԻՇ ահաբեկչական կազմակերպության Վիլայաթ-ի-Խորասան զինված խմբի անդամների հետ հանցավոր դավադրության մեջ մտնելով, ձեռք են բերել Ադրբեջանում օտարերկրյա դեսպանատան դեմ ահաբեկչական հարձակում իրականացնելու համար զենք և ձերբակալվել են ՊԱԾ աշխատակիցների կողմից դիվանագիտական ներկայացուցչությանը մոտենալիս։
Դատարանի որոշմամբ նրանց նկատմամբ նախնական կալանք է նշանակվել։ Այս քրեական գործով ներկայումս քննչական միջոցառումներ են իրականացվում։