«Ֆորմուլա-1»-ի լեգենդ Միխայել Շումախերի առողջական վիճակի վերաբերյալ նոր և հուսադրող մանրամասներ են հայտնի դարձել։ Համաձայն վերջին տեղեկությունների՝ 57-ամյա ավտոարշավորդը երկարատև վերականգնողական թերապիայի շնորհիվ այլևս գամված չէ անկողնուն և կարողանում է նստած դիրք ընդունել։
Թեև Շումախերը դեռևս չի կարողանում քայլել, նրան այժմ հնարավոր է տեղաշարժել անվասայլակով իր տան տարածքում։ Ընտանիքին մոտ կանգնած աղբյուրները նշում են, որ նա չունի «փակված մարդու» համախտանիշ և որոշակի չափով հասկանում է իր շուրջը կատարվող իրադարձությունները, թեև չի կարողանում հաղորդակցվել։
Մարզիկը շարունակում է ստանալ թանկարժեք շուրջօրյա խնամք իր շվեյցարական և իսպանական առանձնատներում, ինչը տարեկան միլիոնավոր դոլարներ է արժենում։
Բուժման ծախսերը հոգալու համար ընտանիքը տարիների ընթացքում վաճառել է Շումախերի մասնավոր ինքնաթիռը, ժամացույցների հավաքածուն և որոշ անշարժ գույք, սակայն նրա կինը՝ Կորինան, շարունակում է անել հնարավոր ամեն ինչ լեգենդար մարզիկի կյանքի որակը բարելավելու համար։